Spika wa Bunge la Uingereza, Sir Lindsay Hoyle, amepongeza Tanzania kwa nafasi yake katika kukuza diplomasia ya kibunge, maendeleo ya kiuchumi na ushirikiano wa kimataifa, akisisitiza umuhimu wa kuendelea kuimarisha uhusiano kati ya Tanzania na Uingereza.

Akizungumza kando ya Mkutano wa 153 wa Umoja wa Mabunge Duniani (IPU) unaofanyika Arusha, Sir Lindsay amesema Tanzania ni injini muhimu ya uchumi wa Afrika Mashariki, akitaja rasilimali zake, utalii, gesi asilia, uzalishaji wa umeme pamoja na nguvu kazi ya vijana kuwa miongoni mwa maeneo yenye fursa kubwa za kiuchumi.

Amesema kuimarisha uhusiano wa kibiashara na kiuchumi kati ya Tanzania na Uingereza ni muhimu katika kufungua fursa zaidi kwa nchi hizo mbili, huku akisisitiza umuhimu wa kujenga juu ya uhusiano wao wa kihistoria.

Sir Lindsay pia ameipongeza Tanzania kwa kuimarisha ushiriki wa wanawake katika uongozi na kufanya maamuzi, akitaja kuwa na Rais mwanamke kwa asilimia 39.5 ya wanawake Bungeni kuwa hatua muhimu kuelekea usawa wa kijinsia.

#IPU153Tanzania